ৰাজ্যত অক্সিজেনৰ অসুবিধা দূৰ কৰিবলৈ নতুন তিনি প্ৰতিষ্ঠানৰ সৈতে বুজা বুজি ৰাজ্যৰ স্বাস্থ্য বিভাগৰ ৷ জনতা ভৱনত প্ৰতিষ্ঠান ক্ৰমে ডিমাপুৰ, চিলাপথাৰ আৰু বঙাইগাঁৱৰ সৈতে এক বুজাবুজি চুক্তিত স্বাক্ষৰিত হয় ৷ ইয়াৰ জৰিয়তে তিনি প্ৰতিষ্ঠানে উৎপাদন কৰা অক্সিজেন অসম চৰকাৰক প্ৰদান কৰিব৷ ইয়াৰ বাবদ নিৰ্ধাৰণ কৰা ধন কেন্দ্ৰই প্ৰদান কৰিব৷ তিনি প্ৰতিষ্ঠানৰ অক্সিজেন উৎপাদন ক্ষমতা ১০.৫ মেট্ৰিক টন ৷ পূৰ্বৰ অসমত মজুতকৃত অক্সিজেন আছিল ৫৫ মেট্ৰিক টন৷ অৰ্থাৎ অতিৰিক্ত ১০.৫ মেট্ৰিক টনৰ লগে লগে ৰাজ্যত সৰ্বমুঠ ৬৬ মেট্ৰিক টনলৈ বৃদ্ধি পালে অক্সিজেনৰ পৰিমাণ ৷ এই পৰিমাণৰে নিশ্চয়কৈ অসম ভালেখিনি আগবাঢ়িব পাৰিব বুলি উল্লেখ কৰে হিমন্ত বিশ্ব শৰ্মাই ৷
ইপিনে মন্ত্ৰীগৰাকীয়ে লগতে কয় যে পূৰ্বে ঠিক কৰা বিবাহসমূহৰ ক্ষেত্ৰত কোনো অসুবিধা নাই ৷ বিবাহ অনুষ্ঠিত কৰিব পাৰিব৷ কেৱল কোভিডৰ নিৰ্দেশনা অনুসৰণ কৰিব লাগিব৷ ৰাজ্যত এতিয়াও লকডাউনৰ পৰিৱেশ নাই ৷ আনকি সান্ধ্য আইনৰো পক্ষপাতী নহয় বুলি মন্তব্য হিমন্ত বিশ্ব শৰ্মাৰ ৷
সাংবাদিক, সংবাদ প্ৰতিষ্ঠানৰ গৰাকীক অগ্ৰাধিকাৰৰ ভিত্তিত ভেকচিন প্ৰদান কৰিব বুলিও জনাই হিমন্ত বিশ্ব শৰ্মাই৷ এতিয়ালৈ ভেকচিনৰ কোনো সমস্যা নাই বুলি মন্তব্য মন্ত্ৰীগৰাকীৰ ।
আপোনাৰ লোকক অনুৰোধ জনাইছোঁ যাতে কোনেও Spam Comment নকৰে । ধন্যবাদ ( Digital Assam )